* يمكنكم الاستفادة من الموقع التالي للاستزادة من اللغة الانجليزية http://rafahenglishclub.mam9.com/forum.htm
* زورونا على المدونة الالكترونية  http://tahahusseinrafah.blogspot.com/2009/05/blog-post_09.html
تتقدم ادارة مدرسة طه حسين الأساسية بالتهنئة والتبريك لأبنائنا الأعزاء بمناسبة بدء العام الدراسي الجديد 2011 - 2012 م

    مراحل الخطبة والزواج في فلسطين

    شاطر

    أ.توفيق العرجا أبو باسل
    Admin

    عدد المساهمات : 485
    تاريخ التسجيل : 09/09/2009

    مراحل الخطبة والزواج في فلسطين

    مُساهمة من طرف أ.توفيق العرجا أبو باسل في السبت أغسطس 21, 2010 5:02 pm

    من عند ا م العربس او العريس يرشح وحدة لتكون شريكة حيات
    المرحلة الاولى
    بتروح امه واخواته مثلا عند اهل العروس بقولوا بدنا نشوفها،، المهم بشوفوها ولنفترض انها عجبتهم ،(بتكون مش محجبة طبعا) بخبروا اهلها بهاد الاشي، وبيطلبوا انه ابنهم يجي ويشوف العروس، بيجي العريس اول مرة بيقعدوا قعدة عائلية على الغالب بيتم فيها الحكي ع الخفيف بينهم، بعدين بيطلب من اهلها يقعد معها لحالهم، بيقعدوا مع بعض ( بتكون محجبة طبعا) بيقعدوا وبيحكوا حسب راحتهم، ساعة ساعتين ..على الغالب بتكون هاي القعدة الفاصلة يعني على الغالب بيحددوا موقفهم بعدها، بعدين بيطلبوا يحددوا موعد تاني على الغالب، بيجي لحاله وبرضه بيقعد معها وبيحكوا، وبعدين بيسألو عن العيلات منيح، عن الشب وعن البنت واهلهم وهيك امور، نفترض انه كل شي تمام
    ( من اسبوع لاسبوعين تقريبا)



    المرحلة التانية
    قراءة الفاتحة
    بيجي اب العريس واخوانه بيطلبوا البنت وبيتقفوا على المهر غالبا المهر بيكون جزء منه لشراء اللبس والدهب وجزء لعفش البيت ( ما بتستلمه العروس) وجزء مأخر ما بتاخده الا في حالة الطلاق ( بعيد الشر طبعا ) وجزء بكون اسمه الشبكة يعني هدية الخطبة،، بتكون على ذوق اهل العريس في الغالب وما حد بقدر يقولهم لاء وكل واحد واصله
    هيك بكونوا خطبوا بس برضه ما بتكشف شعرها ولا بكونوا خاطبين رسمي



    المرحلة التالتة
    الجاهة
    كل عيلة بتجيب قاريبها وكل ما كانوا اكتر بكون احسن ( عزوة ) على الغالب كل جهة تقريبا 50 رجال مثلا، من الجيران والقرايب والاصحاب ، وهون بيطلبوا البنت رسمي وبتنعرف الشغلة للعموم

    المرحلة الرابعة

    كتب الكتاب

    بعدها بيعملوا حفلة على الغالب بيعزموا فيها كل الناس ( الا شوي )
    وببلشوا يجهزوا بحالهم للزواج وهاي فترة الخطبة يعني ما الها طبعا وقت محدد بالزبط


    المرحلة الخامسة
    الحنة
    او هلأ صارت حفلة الوداع
    في حفلة الحنا، مفروض تكون قبل العرس بيوم
    بيجيبوا اهل العريس حنا جاهزة بيحطوها بسدر ( تاع الاكل ) بشكل مرتب، وبيزينوها بالشموع والورد وبينطلقوا ع دار العروس، بتكون العروس لابسة بدلة ومزبطة امورها بعدين بيجوا بصيروا يغنوا ويرقصوا حوليها وبحنوها ، وبيرقصوا وبيطلعوا عبيتهم، بتضل هي واقرايبها بالبيت، بعدين هم بروحوا يكملوا السهرة عندهم، الصبايا جوات البيت والشباب في الشارع بكونوا يرقصوا ويغنوا لنص الليل

    (عند الخلايلة مش حنا..ليلة الشمع بتختلف بس عشان مش دارجة ما ححكيها )


    المرحلة السادسة

    العرس

    اهل العريس بيكونوا عاملين وليمة ( مناسف على الغالب) لكل المعزومين ع العرس بتكون الدنيا العصر تقريبا
    بيتغدوا وبيروحوا
    بعدين المسا بتكون حلفة العرس في بيت اهل العريس او صالة او فندق

      الوقت/التاريخ الآن هو الإثنين ديسمبر 05, 2016 5:29 am